Arsenal don win FA Cup after dem beat Chelsea 2-1 for the final wey shele dis evening for Wembley. Na Chelsea first call police for the matter after Pulisic connect with Giroud flick to score one sweet goal. But Arsenal show dem say no be who first call police dey win case when Aubameyang convert the penarity wey him win after Azpilicueta nearly rape am for public. Chelsea start second half like say dem smoke sontin for dressing room but Arsenal quench dem fire when Aubameyang cancel Zouma like say him no exist before e chop the ball on top Cabalero head. Chelsea try dem best but dem best end when Kovacic chop red card after him second yellow card.
My people, Arsenal don qualify for Europa after dem lift dat FA Cup. Abeg how una see wetin Arsenal play today?